Haur eta Nerabeen Udal Kontseiluan parte hartzen dugu matxismoaz, arrazismoaz, genero-indarkeriaz eta animalien aurkako tratu txarrez hitz egiteko. Mariak, LHko 6. mailako ikasleak, Kontseilu honetan parte hartu du ikastetxearen ordezkari gisa, Aimarrekin batera, baina oraingoan ezin izan da bertaratu.
Kontseilu horren bitartez, Bilboko Udalak Bilboko haur eta nerabeen parte-hartzea sustatzen du hiriaren eraikuntzan. Ordezkariak urtean bitan biltzen dira Osoko Bilkuran, eta, gainera, hainbat lan-batzordetan hartzen dute parte.
Oraingo honetan, haurrek irakurri dute matxismoaren, arrazakeriaren, genero-indarkeriaren eta animalien aurkako tratu txarren aurkako manifestua, beraiek egina lan-batzordeetan. Era berean, ikastetxeetan bazterkeria eta tratu txar-egoera horiek desagerrarazteko proposamenak helarazi dizkiote alkateari; besteak beste, esku-hartze goiztiarra eta edozein eraso salatzea, biktimak defendatzea, enpatia sustatzea, gizarte-arazo horiek es
kolan lan egitea, kultura-aniztasuna defendatzea edo arrisku-kasuetan identifikazio-keinuren bat sortzea.
Iruzkin berriak